அனேகன் படத்தை தொடர்ந்து, நடிகர் தனுஷ் நடிப்பில் உருவாகி வரும் படம் மாரி. இந்த படத்தை ‘காதலில் சொதப்புவது எப்படி’, ‘வாயை மூடி பேசவும்’ ஆகிய படங்களை இயக்கிய பாலாஜி மோகன் இயக்குகிறார். இந்த படத்தில் தனுஷுக்கு ஜோடியாக காஜல் அகர்வால் நடிக்கிறார்.
தனுஷின் வுண்டர்பார் பிலிம்ஸ் நிறுவனமும், ராதிகா சரத்குமாரின் மேஜிக் பிரேம்ஸ் நிறுவனமும் இணைந்து மாரி படத்தை தயாரிக்கிறார்கள். மேலும் பின்னணி பாடகரான விஜய் யேசுதாஸ் போலீஸ் வேடத்தில் நடிக்கிறார்.
இந்நிலையில் படத்தில் ஒரு குத்துப் பாடலுக்கு தனுஷ் உடன் சேர்ந்து, நடனமாடியிருக்கிறாராம் இசையமைப்பளார் அனிருத். இந்த பாடல் மிகப்பெரிய வெற்றியை பெரும் என்கிறார்கள் படக்குழுவினர்.
மாரி படம் ஏப்ரல் அல்லது மே மாதம் வெளியாகும் என எதிர்பார்க்கப்படுகிறது.
|