ஷங்கரின் பிரமாண்ட இயக்கத்தில், விக்ரம் நடிப்பில் உருவாகியிருக்கும் ஐ திரைப்படத்திற்கு யு/ஏ சான்றிதழ் கிடைத்துள்ளதால், படத்தை மறு தணிக்கைக்கு அனுப்பும் முடிவில் தயாரிப்பாளர்கள் உள்ளார்களாம்.
ஷங்கர் இயக்கத்தில் மிகப்பெரிய எதிர்பார்ப்பை ஏற்படுத்தி இருக்கும் படம் 'ஐ'. இதில் விக்ரம் நான்கு கெட்டப்களில் நடித்திருக்கிறார். விக்ரமுக்கு ஜோடியாக எமி ஜாக்சன் நடித்துள்ளார். சந்தானம், பவர் ஸ்டார், சுரேஷ் கோபி, ராம்குமார், உபேன் படேல் ஆகியோர் முக்கியக் கதாபாத்திரங்களில் நடித்துள்ளனர். பி.சி.ஶ்ரீராம் ஒளிப்பதிவு செய்துள்ள இப்படத்துக்கு ஏ.ஆர்.ரஹ்மான் இசையமைத்துள்ளார்.
'ஐ' படம் பொங்கல் வெளியீடாக ஜனவரி 9ல் ரிலீஸ் ஆக உள்ளது. இந்நிலையில், தணிக்கைக்காக அனுப்பப்பட்டது. அதில் யு/ஏ சான்றிதழ் கிடைத்தது. ஆனால், வரிவிலக்கு வேண்டும் என்பதற்காக மறு தணிக்கைக்கு அனுப்பும் முடிவில் படக்குழு செயல்பட்டு வருவதாக தகவல் வெளியாகியுள்ளது.
|