நடிகர் ஆதி தற்போது ‘யாகாவாராயினும் நாகாக்க’ என்ற புதிய படத்தில் நடிக்க உள்ளார். இந்த படத்தை ஆதியின் அண்ணன் சத்ய பிரபாஸ் பினிசெட்டி இயக்குகிறார்.
இந்த படத்தில் ஆதிக்கு ஜோடியாக நிகிதா கல்ராணி நடிக்கிறார். நிகிதா கல்ராணி மலையாளத்தில் ஒரு முன்னணி நடிகை என்பது குறிப்பிடத்தக்கது.
மேலும் இந்த படத்தில் நாசர், பசுபதி, கிட்டி, நரேன், ஹரிஷ், பிதாமகன் மஹாதேவன், மிதுன் சக்கரவர்த்தி ஆகியோர் நடிக்க உள்ளனர். பிரசன் – பிரவின் – ஷாம் ஆகியோர் இசையமைக்கும் இந்தப் படத்தை ‘ஆதர்ஷா சித்ராலயா பிரைவேட் லிமிடெட்’ என்ற புதிய நிறுவனம் தயாரிக்கிறது.
சென்னையில் சில வருடங்களுக்கு முன்பு நான்கு நண்பர்களின் வாழ்க்கையில் நடந்த உண்மை சம்பவத்தின் பின்னணியில் படம் எடுக்கப்பட்டிருக்கிறதாம். அதுவும் அவர்கள் சொல்லும் ஒரு வார்த்தையால் அவர்களின் நட்பும் வாழ்க்கையும் சந்திக்கும் சோதனைகளை பற்றி விவரிக்கப் போகிறார்களாம் படக்குழுவினர்.
|
