சிவா மனசுல சக்தி, பாஸ் என்ற பாஸ்கரன், ஒரு கல் ஒரு கண்ணாடி, ஆல் இன் ஆல் அழகு ராஜா போன்ற படங்களை இயக்கிய ராஜேஷ் அடுத்ததாக ஆர்யாவை வைத்து ஒரு புதிய படத்தை இயக்க போகிறாராம்.
இந்த படத்தில் ஆர்யாவுக்கு ஜோடியாக தமன்னா நடிக்கிறாராம். இந்த படம் ராஜேஸின் வழக்கமான படங்களை போன்று பக்கா காமெடி படமாக உருவாக இருக்கிறதாம்.
ராஜேஷ் படம் என்றால் அதில் சந்தானம் இல்லாமல் இருக்க மாட்டார். இந்தப்படத்திலும் அவர் நடிப்பார் என தெரிகிறது.
தற்போது ஆர்யா, புறம்போக்கு, மீகாமன் படங்களில் நடித்து வருகிறார். இந்தப்படங்களை தொடர்ந்து செப்டம்பர் மாதம் முதல் ராஜேஷ் இயக்கும் படத்தின் ஷூட்டிங்கில் பங்கேற்க உள்ளார் என நெருங்கிய வட்டாரங்கள் தெரிவிக்கிறது.
இதற்கு முன் ஆர்யா - ராஜேஷ் கூட்டணியில் உருவான பாஸ் என்ற பாஸ்கரன் படம் சூப்பர் ஹிட்டானது குறிப்பிடத்தக்கது.
|