நீண்ட இடைவெளிக்கு பிறகு பார்த்திபன் இயக்கத்தில், வெளியாகி தற்போது வரை வெற்றிகரமாக ஓடிக்கொண்டிருக்கும் படம் கதை திரைக்கதை வசனம் இயக்கம்.
பல ஆண்டுகளுக்கு பிறகு மிகப்பெரிய வெற்றியை பெற்றுள்ளார் இயக்குநர் பார்த்திபன். புதியபாதை என்னும் படத்தின் மூலம் தமிழ்சினிமாவில் புதிய பாதை ஏற்படுத்திய பார்த்திபன், பொண்டாட்டி தேவை படத்தில் பெண்களின் உள்ளம் கவர்ந்தார். தொடர்ந்து அவர் இயக்கிய படங்கள் பெண்களுக்கானதாக இருக்கவில்லை. அவர் நடித்த பாரதி கண்ணம்மா, வெற்றிக்கொடி கட்டு அனைத்து தரப்பு ரசிகர்களைக் கவர்ந்தது. இயக்குநராகவும், நடிகராகவும் வெற்றிபெற்ற பார்த்திபன் கடந்த சில வருடங்களாக இயக்கிய சில படங்கள் பெரிதாக வெற்றி பெறவில்லை.
நீண்ட இடைவெளிக்குப் பிறகு வெற்றிக்கனியை ருசித்த பார்த்திபனுக்கு, ரசிகர்கள் மற்றும் மீடியாக்களின் பாராட்டால் ஆனந்த கண்ணீரே வந்து விட்டதாம். மேலும் அதே உற்சாகத்தோடு இந்தப் படத்தின் இரண்டாம்பாகம் எடுக்கக் முடிவெடுத்துள்ளாராம் பார்த்திபன். கதை இன்னும் முடிவாகாத நிலையில், தலைப்பை மட்டும் வைத்துள்ளாராம் பார்த்திபன். படத்தோட பெயர் 'உப்புமா கம்பெனி'.
|
