வின்சென்ட் செல்வா இயக்கத்தில் ஆர்.பி.செளத்ரியின் மூத்த மகன் ரமேஷ் நடிப்பில் வெளியாகி வெற்றி பெற்ற படம் ஜித்தன்.
அதிலிருந்து ரமேஷ், ஜித்தன் ரமேஷ் ஆனார். இருந்தாலும் இதையடும் அவர் நடித்த எந்த படங்களும் வெற்றி பெறாததால் அவரது மார்க்கெட் சுத்தமாக அவுட்டானது.
இந்நிலையில் தற்போது, ஜித்தன்-2 தயாராகி வருகிறது. இதில் ரமேசுக்கு இரண்டு ஹீரோயின்கள், ஒருவர் இனியா, இன்னொரு ஹீரோயின் ஸ்ருதி என்ற புதுமுகம்.
இந்த படத்தை அறிமுக இயக்குனர் ராகுல் பரமஹம்சா இயக்குகிறார். இப்படத்தின் ஒளிப்பதிவு பொறுப்பை வின்சென்ட் செல்வா ஏற்றிருக்க, ஸ்ரீகாந்த் தேவா இசை அமைக்கிறார்.
முக்கிய கதாபாத்திரங்களில் வி.டி.வி.கணேஷ், தம்பி ராமையா, மயில்சாமி சோனா ஆகியோர் நடிக்கிறார்கள்.
ஒரிஜினல் ஜித்தன் பட ஹீரோயின் பூஜாவை சிறப்பு தோற்றத்தில் நடிக்க கேட்டிருக்கிறார்கள்.
|