உளவு பார்ப்பதாக குற்றச்சாட்டு: 17 செயலிகள் நீக்கம்

போனில் தனிப்பட்ட தகவல்களை உளவு பார்ப்பதாக 17 கடன் வழங்கும் செயலிகளை (ஆப்) பிளேஸ்டோரில் இருந்து கூகுள் நிறுவனம் நீக்கியுள்ளது.அந்த வகையில் தற்போது 17 செயலிகளை கூகுள் தனது பிளேஸ்டோரில் இருந்து நீக்கியுள்ளது.        இந்த செயலிகள் அனைத்தும் பயனர்களுக்கு கடன் வழங்குவதாகும். மொத்தம் 18 கடன் செயலிகள் குறித்து கூகுள் நிறுவனத்திற்கு புகார் வந்துள்ளது.

அதில் 17 செயலிகள் பயனர்களுக்கு கடன் வழங்குவதுடன் போனில் உள்ள தகவல்கள், போட்டோக்கள், வீடியோக்களை உளவு பார்த்தது தெரியவந்தது.

போனில் இருந்து நீக்குமாறும் அறிவுறுத்தியுள்ளது

உளவு பார்த்து சேகரித்து வைத்திருக்கும் தகவல்களை வைத்துக்கொண்டு பயனர்களுக்கு மிரட்டல் விடுப்பதாகவும் குற்றச்சாட்டு எழுந்தது.         குறிப்பாக இந்த செயலிகள் ஆப்ரிக்கா, லத்தீன் அமெரிக்கா, வடகிழக்கு ஆசியா ஆகிய இடங்களில் வசிக்கும் மக்களை குறிவைத்து மிரட்டுகிறது.

இதனையடுத்து AA Kredit,  Amor Cash, GuayabaCash, EasyCredit, Cashwow, CrediBus, FlashLoan,  Préstamos Crédito, Préstamos De Crédito-YumiCash, Go Crédito, Instantáneo Préstamo, Cartera grande, Rápido Crédito,  Finupp Lending, 4S Cash, TrueNaira, EasyCash இந்த  17 செயலிகளையும் பிளேஸ்டோரில் இருந்து கூகுள் நிறுவனம் நீக்கியுள்ளது. மேலும் நுகர்வோர் இந்த 17 செயலிகளை போனில் இருந்து நீக்குமாறும் அறிவுறுத்தியுள்ளது.