வி.டி.வி.கணேஷ் தான் தயாரித்து நடிக்கும் இங்க என்ன சொல்லுது என்ற படத்தில் பாடல் ஒன்றை எழுதி பாடியுள்ளார்.
ஒஸ்தி, கண்ணா லட்டு தின்ன ஆசையா, போன்ற படங்களில் நடித்தவர் வி.டி.வி.கணேஷ். தற்போது இவர் ‘இங்க என்ன சொல்லுது’ படத்தை தயாரித்து ஹீரோவாகவும் நடித்து வருகிறார். வின்சென்ட் செல்வா இயக்கும் இந்தப்படத்தில், வி.டி.வி.கணேஷுக்கு ஜோடியாக மீரா ஜாஸ்மின் நடிக்கிறார். 45 வயதுக்குப் பின் கல்யாணம் செய்துகொள்ளும் ஒருவனின் கலாட்டாதான் இந்தப்படத்தின் கதை.
நடிகர் சிம்பு கெளரவ வேடத்தில் நடிக்கிறார். சிம்புவுக்கு ஜோடியாக ஆண்ட்ரியாவும் நடிக்கிறார். இத்தோடு குட்டி பயலே… குட்டி பயலே.... எனத் தொடங்கும் ஒரு பாடலை தானே எழுதி பாடவும் செய்திருக்கிறார் சிம்பு. கதையை நகர்த்தும் முக்கிய வேடத்தில் காமெடியன் சந்தானம் நடிக்கிறார். இவர்களுடன் பாண்டியராஜன், மயில்சாமி, இயக்குநர் கே.எஸ்.ரவிகுமார், ஸ்வர்ணமால்யா ஆகியோர் நடித்துள்ளனர். மேலும் பிரபல எடிட்டர் ஆண்டனி ஒரு முக்கிய வேடத்தில் நடித்துள்ளார். தரண் இசையமைத்துள்ள இப்படத்தில் மொத்தம் ஏழு பாடல்கள் இடம்பெறுகின்றன. இதில் இரண்டு பாடல்களை விடிவி கணேஷ் எழுதியுள்ளார். எழுதியது மட்டும் இன்றி, தனது கனீர் குரலில் ஒரு பாடலை பாடவும் செய்துள்ளார். இந்த பாடல் பட்டாம்பூச்சியின் வாழ்க்கையைப் பற்றிய தத்துவப் பாடலாம்.
|