இங்கிலாந்து வீரர் பட்டன் பெல்ஜியம் பார்முலா 1 கார் பந்தயத்தில் வெற்றி

இந்த ஆண்டுக்கான "பார்முலா ஒன்" கார் பந்தயம் 20 சுற்றுகளாக நடத்தப்பட்டு வருகிறது. இதன் 12-வது சுற்றான பெல்ஜியம் கிராண்ட் பிரீ “பார்முலா ஒன்” கார் பந்தயம் நேற்று நடந்தது. இதில் இங்கிலாந்து வீரர் ஜென்சன் பட்டன் வெற்றி பெற்றார். அவர் பந்தய தூரத்தை ஒரு மணி 29.08 நிமிடத்தில் கடந்து வெற்றி இலக்கை அடைந்தார். இந்தப்போட்டியில் பிரான்ஸ் வீரர் குரோஸ் ஜியான் விபத்தை ஏற்படுத்தினார். அவரது கார் முன்னணி வீரரான ஸ்பெயினைச் சேர்ந்த அலோன்சா மற்றும் இங்கிலாந்தைச் ஹேமில்டன் ஆகியோர் மீது மோதியது. இதனால் இந்த இருவரும் பாதியில் விலக வேண்டியதாயிற்று. விபத்தை ஏற்படுத்தியதற்காக குரோஸ் ஜியானுக்கு ஒரு பந்தயத்தில் பங்கேற்க தடையும் ரூ.35 லட்சம் அபராதமும் விதிக்கப்பட்டது. இந்திய வீரர் நரேன் கார்த்திகேயன் இந்தப் போட்டியில் பாதியில் விலகினார் என்பது குறிப்பிடத்தக்கது.