திருக்குறள்-காமத்துப்பால் வழங்கும் வாழ்வியல் பாடங்கள் - குறள் மணம் செ. வரதராசனார்

நவில்தொறும் நூல்நயம்
வெள்ளி தோறும் இணைய வழி
குறள் நூல்கள் அறிமுகத் தொடர்
நிகழ்வு-30

நாள்: 15/09/2023 வெள்ளிக்கிழமை
நேரம்: மாலை 6:30-07:45 மணி

நூல்: திருக்குறள்-காமத்துப்பால் வழங்கும் வாழ்வியல் பாடங்கள்
ஆசிரியர்: 'குறள் மணம்' செ. வரதராசனார்

திருக்குறள் 'இன்பத்துப்பால்' காதல் வாழ்வை மட்டுமல்ல, வாழ்வியல் பாடங்களையும் வெளிப்படுத்தி இருக்கிறது எனக் காட்டுகிறது இந்நூல். காமத்தின் இனிமையை எடுத்துரைக்கும்போதே, திருவள்ளுவர் சமுதாயப் படிப்பினைகளை எடுத்துக்கூறுவதாகக் கூறுகிறார் ஆசிரியர். இருபது கட்டுரைகளில் திருக்குறள் காட்டும் வாழ்வியல் பாடங்களை வடிக்கிறார் ஆசிரியர். 'குறள்மணம்' திங்கள் இதழை நடத்தியதால் "குறள் மணம்"வரதராசனார் என தமிழ்ச் சான்றோரால் அழைக்கப்படும் ஆசிரியர், 'திருக்குறள் நெறித் தோன்றல்' (தமிழக அரசு) மற்றும் 'திருவள்ளுவர் சீர்பரவுவார்' போன்ற விருதுகளைப் பெற்றுள்ளார். தமிழ்நாடு அரசு 2012 ஆண்டு திருவள்ளுவர் விருதினை வழங்கிச் சிறப்பித்துள்ளது.இந்நூலை குறள்மணம் (2006) பதிப்பகம் வெளியிட்டுள்ளது.

நூல் அறிமுகம் செய்வார்: 'நற்றமிழ்' செ.வ. இராமாநுசன்

நூலாசிரியர் புலவர் செ.வரதராசனார் அவர்களின் புதல்வர். கள்ளக்குறிச்சியில் பிறந்தவர். இராணுவப் பொறியியல் துறையில் 38 ஆண்டுகள் பொறியாளராக சேவையாற்றி பணி நிறைவு செய்துள்ளார். எங்கும், எப்போதும் தூய தமிழில் உரையாடி வருபவர். பல்வேறு தமிழ்ச் சங்கங்களில் பொறுப்புகளை வகித்து தமிழ்ப்பணி ஆற்றி வருகின்றார். குறள்வழியில், தமிழ்த் திருமணங்கள் உள்ளிட்ட பல நிகழ்வுகளை நடத்தி வைக்கின்றார். தொலைக்காட்சியில் ஓராண்டிற்கும் மேலாக நாள்தோறும் 'வள்ளுவர் வாக்கு' பகுதியில் குறள்-பொருள்-எடுத்துக்காட்டு கதை வழங்கியுள்ளார். 'நற்றமிழ்' மற்றும் 'செந்தமிழ் செம்மல்' ஆகிய விருதுகளையும் பெற்றுள்ளார்.