சுவீடன் நாட்டின் ஸ்வீடிஷ்(Swedish) மொழியில் வெளிவந்த திருக்குறள் நூல் வலைத்தமிழ் தொகுப்பில் இணைந்தது

உலகத் திருக்குறள் மொழிபெயர்ப்புத் தொகுப்புத் திட்டத்தில் புதிய வரவாக சுவீடன் நாட்டின் மொழியில் (Swedish) வெளிவந்த திருக்குறள் நூலை டென்மார்க் வாழ் திருக்குறள் ஆர்வலர் மற்றும் டேனிஷ் மொழிபெயர்ப்பினை கொண்டுவந்த நண்பர் நாகலிங்கம் கையேந்திரன் அவர்கள் திரட்டி அனுப்பிவைத்தார். மிக்க நன்றி Nagalingham Gajendiran .

 

இது தொகுப்பில் சேர்க்கப்பட்டது.

 

திட்டத்தில் இன்னும் கீழ்காணும் 16 நூல்களே தேடலில் உள்ளது. மற்ற மொழிபெயர்ப்புகளின் அச்சு நூல்கள் தொகுப்பட்டுவிட்டன. கீழ்காணும் மொழிபெயர்ப்புகளின் அச்சுப்பிரதி உங்கள் நூலகங்களில், உங்கள் நண்பர்கள், அறிஞர்களிடம் இருந்தால் ஒரு பிரதியை பெற முயற்சி செய்யவும். இதுவரை திருக்குறள் நூல்கள் எத்தனை மொழிகளில் வந்துள்ளது என்பதைக் குறித்து சொல்லப்படும் அனைத்து எண்களும் உறுதிப்படுத்தப்படாதவை. இதை உறுதிசெய்ய கடந்த மூன்று ஆண்டுகளுக்கு மேல் இத்திட்டத்தின் மூலம் முயற்சிக்கிறோம். விரைவில் அனைத்து விவரங்களும் பகிரப்படும், மேலும் மொழிபெயர்ப்புகள் சில பிரதிகள் வந்து பயன்பாட்டில் இல்லாமல் இருப்பது பெருமையன்று. அதை தொடர்ந்து கிடைக்கச் செய்ய இத்திட்டத்தின் இறுதியில் அறிஞர் குழுவை ஏற்படுத்தி முயற்சிக்கப்படும். இது வரலாற்று முக்கியத்துவம் வாய்ந்த தேடல் பணி. நம் கடமையாக முயற்சித்து இப்பட்டியலில் உள்ள சில மொழிபெயர்ப்புகளை பெற வாய்ப்புள்ளவர்கள் உதவவும். உங்கள் பங்களிப்பு திட்ட இறுதி அறிக்கையில் நன்றியோடு குறிப்பிடப்படும்.

 

Czech

Dutch

Finnish

Italian (Italiano)

Konkani

Polish

Rajasthani

Russian

Spanish

Hungerian

Assamese

Brahui

Santhali

Garo

Armenian

Tok Pisin

 

வலைத்தமிழ் ச.பார்த்தசாரதி,

உலகத் திருக்குறள் மொழிபெயர்ப்புத் தொகுப்புத் திட்டக்குழு

 

#ThirukkuralSwedish #ThirukkuralTranslation  ##திருக்குறள்மொழிபெயர்ப்பு