|
சூப்பர் ஸ்டார் ரஜினிகாந்தின் முதல் அனிமேஷன் படமான கோச்சடையானுக்கு 'யு' சான்றிதழை தணிக்கை குழு அளித்துள்ளது.
தனது இளைய மகள் செளந்தர்யா இயக்கத்தில் ரஜினிகாந்த் நடித்துள்ள படம் கோச்சடையான். இந்த படத்தில் ரஜினி ஜோடியாக இந்தி நடிகை தீபிகா படுகோனே நடித்துள்ளார். இவர்களுடன் ஆதி, நாசர், ஷோபனா, ருக்மணி, இந்தி நடிகர் ஜாக்கி ஷெரப் உள்ளிட்ட ஏகப்பட்ட திரை நட்சத்திரங்கள் நடித்துள்ளனர்.
இந்தியாவிலேயே முதன்முறையாக மோசன் கேப்சரிங் தொழில்நுட்பத்தில் இப்படத்தை உருவாக்கியுள்ளார் செளந்தர்யா. இந்த படத்திற்கு இசை புயல் ஏ.ஆர்.ரஹ்மான் இசை அமைத்திருக்கிறார்.
சுமார் ரூ.125 கோடி செலவில் உருவாகி இருக்கும் இந்த படம் வரும் ஏப்ரல் 11ம் தேதி ரிலீஸ் செய்வதாக அறிவிக்கப்பட்டுள்ளது. தமிழ், இந்தி, ஆங்கிலம் உள்ளிட்ட பல்வேறு மொழிகளில் இப்படம் ரிலீஸ் ஆக இருக்கிறது.
இந்நிலையில் கோச்சடையான் படத்தை தணிக்கை குழுவுக்கு அனுப்பியிருந்தனர் படக்குழுவினர். படத்தை பார்த்த தணிக்கை குழுவினர், படத்திற்கு எந்தவித நீக்கமும் கொடுக்காமல் யு சான்று கொடுத்துள்ளதாக படத்தயாரிப்பு வாட்டரங்கள் தெரிவித்துள்ளன.
|
