ஐ யும், என்னை அறிந்தாலும் ஒரே நாளில் ரிலீசாக ஆகாதாம் !!

ஒட்டுமொத்த இந்திய திரையுலகமே ஆவலோடு எதிர்பார்த்துக் கொண்டிருக்கும் படம் ஐ.  

இந்த படத்தை பிரமாண்ட இயக்குனர் ஷங்கர் இயக்கியுள்ளார். நாயகனாக விக்ரமும், நாயகியாக எமி ஜாக்சன் நடித்துள்ளனர்.

இசை புயல் ஏ.ஆர்.ரஹ்மான் இந்த படத்திற்கு இசை அமைத்துள்ளார்.

கடந்த ஒரு சில மாதங்களுக்கு முன்பு வெளியான படத்தின் பாடல்களும், டீசரும் ரசிகர்கள் மத்தியில் ஒரு மிகப்பெரிய வரவேற்றை படத்திற்கு பெற்று தந்துள்ளன. இதனால் ஐ படம் எப்போது வரும்? படம் எப்படி இருக்கும்? என்பதுதான் சினிமா ரசிகர்களின் இப்போதைய கேள்வி? இந்த கேள்விகளுக்கு விடை எதிர்வரும் ஜனவரி 9ம் தேதி கிடைக்கவுள்ளது. ஆம் ஐ திரைப்படம் அன்றைய தினம் வெளியாகவுள்ளது.

முதலில் ஐ படம் தீபாவளியை முன்னிட்டு வெளியாவதாக இருந்தது. ஆனால் சில அனிமேஷன் வேலைகள் இருந்ததால் படத்தின் ரிலீஸ் தேதியை தள்ளி வைத்தனர். இந்நிலையில் ஐ படம் பொங்கலன்று வரும் என்று சில நாட்களுக்கு முன் அதிகாரப்பூர்வ அறிவிப்பு வந்தது. தற்போது மீண்டும் ரிலீஸ் தேதி மாறியுள்ளது. ஆனால் இம்முறை ரிலீஸ் தேதியை தள்ளி போடாமல் முன்கூட்டியே ரிலீஸ் செய்ய முடிவு செய்துள்ளனர். பொங்கலுக்கு மூன்று நாட்களுக்கு முன்பே அதாவது ஜனவரி 9ம் தேதி வெளியாவுள்ளது.

அஜீத் நடித்த ‘என்னை அறிந்தால்’, விஷால் நடித்த ‘ஆம்பள’ ஆகிய படங்கள் ஜனவரி 15ம் தேதி வெளியாக இருப்பது குறிப்பிடத்தக்கது.