கவுதம் மேனன் இயக்கத்தில் அஜீத் நடித்து வரும் என்னை அறிந்தால் படத்தின் பெரும்பகுதி வசன காட்சிகள் படமாகி விட்ட நிலையில், சமீபத்தில் சென்னையில் செட் அமைத்து ஒரு பாடல் காட்சியை பிரம்மாண்டமாக படமாக்கியிருக்கிறார் கெளதம்மேனன்.
அந்த பாடலை பாட்ஷா படத்தில் ரஜினி ஆடிப்பாடும் ரா ரா ராமைய்யா பாடல் போன்று அவருடன் ஏராளமான நடன கலைஞர்களும் இணைந்து நடனமாடுகிறார்களாம்.
குறிப்பாக, பாட்ஷா படப்பாடலில் ரஜினியுடன் வில்லன்களும் அந்த பாடலில் தோன்றுவது போன்று இந்த படத்தில் அஜீத்துடன் அவருக்கு மறைமுக வில்லன்களாக நடிப்பவர்களும் இணைந்து நடனமாடுகிறார்களாம். குறிப்பாக, அப்படத்தில் முக்கிய வேடத்தில் நடிக்கும் வில்லன் அருண் விஜயும், அஜீத்துடன் பாடல் முழுக்க நடனமாடியிருக்கிறாராம்.
மேலும், அஜீத்தும், அருண் விஜயும் இரண்டு பேருமே நன்றாக நடனமாடிக்கூடியவர்கள் என்பதால், இருவருக்குமே வித்தியாசமான ஸ்டெப் வைத்து நடன அசைவுகள் உருவாக்கப்பட்டிருக்கிறதாம்.
இந்த பாடல் படத்தின் ஹைலைட்டாக இருக்கும் என்கிறார்கள் படக்குழுவினர்.
|