பத்ம விருதுகள் அறிவிப்பு

பத்ம விருதுகள் அறிவிப்பு

    குடியரசு தினத்தை முன்னிட்டு பொதுவாழ்வு, கலை, விளையாட்டு உள்ளிட்ட பல்வேறு துறைகளில் சாதித்தவர்களுக்கு ஆண்டுதோறும் பத்ம விருதுகள் வழங்கப்படும். இந்நிலையில் இந்த ஆண்டுக்கான விருது பெற்றோர் பட்டியலை மத்திய அரசு வெளியிட்டுள்ளது. 119 பேருக்குப் பத்ம விருதுகள் அறிவிக்கப்பட்டுள்ளன.

    மறைந்த பின்னணி பாடகர் எஸ்.பி.பாலசுப்ரமணியன் அவர்களுக்கு  பத்மவிபூஷன் விருது அறிவிக்கப்பட்டுள்ளது.

பத்மஸ்ரீ விருது:

    சுமார் 12 ஆயிரத்திற்கும் மேற்பட்ட பட்டிமன்றங்களைத் தலைமைத் தாங்கி, ஏறக்குறைய 60 ஆண்டுகளாகத் தமிழ் இலக்கியத் துறையில் பணியாற்றி வரும் பட்டிமன்ற பேச்சாளர் திரு.சாலமன் பாப்பையா அவர்களுக்கு பத்மஸ்ரீ விருது அறிவிக்கப்பட்டுள்ளது.   

    வடசென்னை பகுதியில் பல ஆண்டுகளாக இரண்டு ரூபாய்க்கு மருத்துவம் பார்த்து வந்த, மறைந்த மருத்துவர் திருவேங்கடம் வீரராகவன் அவர்களுக்கு பத்மஸ்ரீ விருது அறிவிக்கப்பட்டுள்ளது.

    சாந்தி சமூக சேவை என்ற தொண்டு நிறுவனத்தைத் தொடங்கி, சமூகத்தில் பின்தங்கியுள்ள மக்களுக்கு இலவசமாகக் கல்வி முதல் பல சேவைகளைச் செய்து வந்த, மறைந்த பி.சுப்பிரமணியன் அவர்களுக்கு பத்மஸ்ரீ விருது அறிவிக்கப்பட்டுள்ளது.   

    105 வயதிலும் தளராமல் இயற்கை விவசாயம் செய்து வரும் பாப்பம்மாள் அவர்களுக்கு பத்மஸ்ரீ விருது அறிவிக்கப்பட்டுள்ளது.   

    பாம்பே ஜெயஸ்ரீ என்று அழைக்கப்படும் பாடகியான ஜெயஸ்ரீ ராம்நாத் அவர்களுக்கு பத்மஸ்ரீ விருது அறிவிக்கப்பட்டுள்ளது.   

    நாட்டின் மிகச்சிறந்த கூடைப்பந்து வீராங்கனையான பி.அனிதா அவர்களுக்கு பத்மஸ்ரீ விருது அறிவிக்கப்பட்டுள்ளது. 

    வில்லுப்பாட்டு கலையில் சிறந்து விளங்கும் சுப்பு ஆறுமுகம் அவர்களுக்கு பத்மஸ்ரீ விருது அறிவிக்கப்பட்டுள்ளது.  

    தனது வாழ்நாளில் சுமார் 60 ஆண்டுகள் பல கற்பனை கதாபாத்திரங்களுக்கு உயிர் ஊட்டிய மறைந்த கே.சி.சிவக்குமார் அவர்களுக்கு பத்மஸ்ரீ விருது அறிவிக்கப்பட்டுள்ளது.

    பொதுவெளியில் மலம் கழிப்பது குறித்தும், கழிப்பறைகள் குறித்தும் விழிப்புணர்வு ஏற்படுத்தி வரும் மராச்சி சுப்புராமன் அவர்களுக்கு பத்மஸ்ரீ விருது அறிவிக்கப்பட்டுள்ளது.

    தமிழ்நாட்டிலுள்ள மிகப்பெரிய கோடீஸ்வரர்களில் ஒருவரான ஸ்ரீதர் வேம்பு அவர்களுக்கு பத்மஸ்ரீ விருது அறிவிக்கப்பட்டுள்ளது.   

இந்த ஆண்டு 7 பேருக்கு பத்ம விபூஷண் விருதும், 10 பேருக்கு பத்ம பூஷண் விருதும்,  102 பேருக்கு பத்மஸ்ரீ விருதும், அறிவிக்கப்பட்டுள்ளன. இதில் தமிழகத்தைச் சேர்ந்த 11 பேர் இடம்பெற்றுள்ளனர்.